שטימט ביי אייער וואל פלאץ אויף וואל טאג

איר קענט שטימען ביי אייער וואל פלאץ אויף וואל טאג.

• פאר פארליאמענטארע וואלן, ראיאנישע וואלן און מוניציפאלע וואלן, איז וואל טאג אייביג די צווייטע זונטאג אין סעפטעמבער יעדע פיר יאר.
• EU וואלן ווערן געהאלטן אין אפריל, מאי, יוני אדער יולי יעדע פינף יאר. אין שוועדן, איז וואל טאג אייביג אויף א זונטאג.
• אויף אייער וואלן קארטל שטייט אין וועלכע וואל ארט איר קענט שטימען אינעם וואל טאג און די שעות די וואל ארט איז אפן.
• איר דארפט נישט מיטברענגען אייער וואלן קארטל מיט אייך, אבער איר דארפט יא א גילטיגע אידענטיפיצירונג קארטל אדער איינע וואס קען באשטעטיגן אייער אידענטיטעט אויב זענט איר נישט באקאנט צום וואלן אפיציר. אין אזא פאל, וועט יענע מענטש דארפן ווייזן אן אידענטיפיצירונג קארטל.

שטימען פרי

איר קענט שטימען פרי אין סיי וועלכע לאקאציע אין די לאנד.

• איר קענט שטימען פרי פון 18 טעג פאר וואל טאג ביז וואל טאג אליין.
• איר דארפט נישט מיטברענגען אייער וואלן קארטל מיט אייך, אבער איר דארפט יא א גילטיגע אידענטיפיצירונג קארטל אדער איינער וועלכע קען באשטעטיגן אייער אידנטיטעט אויב זענט איר נישט באקאנט צום וואל ארט אפיציר. אין אזא פאל, וועט יענע מענטש דארפן ווייזן אן אידענטיפיצירונג קארטל.

באקומט הילף פון א פארשטייער

שטימען דורך א פארשטייער מיינט אז א צווייטער געט אפ אייער שטימע פאר אייך ביי די וואל ארט אדער ביי א פריע וואלן לאקאציע.

• די ערשטע טאג וואס איר קענט ערלעדיגן פאר איינער צו שטימען פאר אייך איז 24 טעג פאר וואל טאג. די פארשטייער קען נאר אפגעבן אייער שטימע איינמאל שטימען פרי הייבט זיך אן.

איר קענט שטימען דורך א פארשטייער אויב איר:

• זענט קראנק
• זענט פארעלטערט
• האט א באגרעניצונג
• זענט איינגעזעצט אדער אין טורמע
• וואוינט אדער שטייט איין לענגאויס א דארפישע ליפערונג וועג (פארבינדט אייך מיט פאסטנארד).

באקומט הילף פון די מוניציפאליטעט

אויב האט איר שוועריגקייטן צו אנקומען צו א וואל ארט אדער א פריע וואלן לאקאציע און קענט נישט קיינעם וועלכע קען דינען אלץ אייער פארשטייער, אייער מוניציפאליטעט קען ערלעדיגען פאר א מאביל וואל אפיציר צו קומען צו אייך צו באקומען אייער שטימע. פארבינדט זיך מיט אייער מוניציפאליטעט פאר נאך אינפארמאציע.

H2 הילף מיט שטימען ביי די וואל ארט

אויב האט איר א באגרעניצונג אדער ענליך, קענט איר בעטן א וואלן אפיציר פאר הילף. וואלן אפיצירן האבן א פליכט פון געהיימקייט און זענען נישט ערלויבט צו דערציילן פאר קיינעם וויאזוי איר האט געשטימט. איר מעגט אויך מיטברענגען איינער אונטער די סקרין אייך צו העלפן שטימען,אבער א וואלן אפיציר דארף סייווי אייביג זיין אנוועזנד.

אלע וואל ערטער דארפן האבן צוטריט פאר מענטשן מיט באגרעניצונגען.

שטימען פון אויסלאנד

עס זענען דא צוויי וועגן צו שטימען פון אויסלאנד. איר קענט שטימען פון פאראויס ביי פילע שוועדישע אמבאסאדעס און קאנסולאטן אדער שטימען דורך די פאסט. די ערשטע טאג וואס איר קענט ערלעדיגן אייער פאסט-שטימע און עס שיקן קיין שוועדן איז 45 טעג פארן וואל טאג.

שטים רעכטן אין שוועדישע וואלן

צו זיין בארעכטיגט צו שטימען דארפט איר זיין כאטש 18 יאר אלט אינעם וואל טאג. דאס איז גילטיג פאר אלע וואלן. די רעגולאציעס טוישן זיך צווישן פארליאמענטארע וואלן, ראיאנישע וואלן, מוניציפאלע וואלן און EU וואלן.

שטים רעכטן אין פארליאמענטארע וואלן

איר האט דעם רעכט צו שטימען אין די פארליאמענטארע וואלן אויב איר:

• זענט כאטש 18 יאר אלט אינעם וואל טאג,
• זענט א שוועדישע בירגער, און
• זענט אדער זענט געווען רעגיסטרירט אלץ אן איינוואוינער אין שוועדן.

שטים רעכטן אין ראיאנישע און מוניציאפאלישע וואלן

איר זענט בארעכטיגט צו שטימען אין ראיאנישע און מוניציפאלע וואלן אויב איר:

• זענט כאטש 18 יאר אלט אינעם וואל טאג,
• זענט א שוועדישע בירגער און זענט רעגיסטרירט אין די מוניציפאליטעט, ראיאן אדער
• א בירגער פון אן EU לאנד, אייסלאנד אדער נארוועגיע און רעגיסטרירט אין די מוניציפאליטעט און ראיאן, אדער
• א בירגער פון אן אנדערע לאנד, אדער שטאטלאז און זענט געווען רעגיסטרירט אין שוועדן פאר דריי יאר נאכאנאנד פארן וואל טאג, און זענט רעגיסטרירט אין די מוניציפאליטעט אדער ראיאן.

שטים רעכטן אין EU וואלן

איר האט דעם רעכט צו שטימען אין EU וואלן אויב איר:

• זענט כאטש 18 יאר אלט אינעם וואל טאג,
• א שוועדישע בירגער און זענט (אדער זענט געווען) רעגיסטרירט אין שוועדן, אדער
• א בירגער פון אן אנדערע EU לאנד, און זענט רעגיסטרירט אין שוועדן און האט רעגיסטרירט צו שטימען אין שוועדן כאטש 30 טעג פארן וואל טאג.

שטים רעכט ווערן באשטימט 30 טעג פאר וואל טאג

אייער רעכט צו שטימען ווערט באשטימט לויט די אינפארמאציע אין די שוועדישע שטייער אגענטור'ס פאפולאציע רעגיסטער 30 טעג פארן וואל טאג. די וועלכע האבן די רעכט צו שטימען ווערן אריינגערעכענט אין אן עלעקטאראל ראל, וועלכע איז א ליסטע פון יעדער וועלכע איז בארעכטיגט צו שטימען אין א געוויסע וואלן. דעס מיינט אז איר דארפט זיך נישט רעגיסטרירן אויף די עלעקטארל ראל כדי צו זיין בארעכטיגט צו שטימען.

יעדער וועלכע איז בארעכטיגט צו שטימען באקומט א וואלן קארטל

יעדער וועלכע איז בארעכטיגט צו שטימען אין א וואלן באקומט א וואלן קארטל. עס ווערט געשיקט צו אייער דיגיטאלע פאסט קעסטל אדער דורכן פאסט צו אייער רעגיסטרירטע אדרעס אדער צו א א ספיציעלע פאסט אדרעס אויב האט איר רעגיסטרירט איינס.

איר דארפט נישט מיטברענגן אייער וואלן קארטל מיט אייך ווען איר שטימט פרי אדער ווען איר שטימט ביי אייער וואל ארט אויף וואל טאג.

וויאזוי שטים-צעטלען און פערזענליכע קאנדידאטן שטימען ארבעט

שטים-צעטלעך מוזן זיין ביי אלע פלעצער וואו איר קענט שטימען.

שטים-צעטלעך זענען קאלירן צו ווייזן פאר וועלכע וואלן זיי זענען פאר:

• ווייסע שטים-צעטלעך - די מוניציפאליטעט.
• בלויע שטים-צעטלעך - די ראיאן.
• געלע שטים-צעטלעך - די ריקסדאג.
• ווייסע שטים-צעטלעך (אין EU וואלן) - די אייראפעישע פארליאמענט.

אויף די שטים-צעטל שטייט אויך צו וועלכע וואלן און וועלכע געגענט עס איז גליטיג, צום ביישפיל א געוויסע וואל-קרייז.

אין שוועדישע וואלן, טוט איר אייביג שטימען פאר א פארטיי. איר קענט דערנאך אויסוועלן צו איר ווילן אויך שטימען פאר איינער פון די פארטיי'ס קאנדידאטן.