Themutne alosarimata ando Švedo
Published: 11 May 2026
Si štar themutne alosarimata ando Švedo – alosaripe po o riksdagen, regionfullmäktige, kommunfullmäktige taj Europaparlamento.
Themutne alosarimata
Si štar themutne alosarimata ando Švedo:
- kaj o riksdagen
- kaj o regionfullmäktige
- kaj o kommunfullmäktige
- kaj o Europaparlamentet.
- Sa le alosarimata kaj o riksdagen, region- taj kommunfullmäktige si o dujto kurko ando september sako štarto berš.
Alosaripe kaj o Europaparlamento si ando april, maj, juni vaj juli sako pandžto berš ande jek vrama savi o Europaparlamento lel decizija. O alosaripe kerdžol pe pala sako EU-themesko nacionalno alosarimasko zakono taj ando Švedo phenel o alosarimasko zakono ke o alosarimasko djes si mindig kurke.
Themutno taj tosamo alosarimasko čačipe taj slobodni, sekretni taj neki alosarimata
O švedicko alosarimasko sistemo tordžol po themutno taj tosamo alosarimasko čačipe taj ke le alosarimata si slobodni, sekretni taj neki. O alosarimasko sistemo si decentralizime taj phuterdo taj anda kado zuralo. Kado ingerel pe katar o regeringsformen, savo si jek anda le štar themudne zakonura.
Ogulno alosarimasko čačipe
O alosarimasko čačipe si šutino feri katar e mangimata save o narodo ogulnje birij te pherel, kado si berš, citizentipe taj o than pe savo trajin.
Jekipe ando alosarimasko čačipe
Sa le manuš kaj den pengo glaso si le jekfalo čačipe te kerel efekto po alosarimasko rezultato, kado značij jek glaso pe sako manuš.
Slobodni alosarimata
Khonik kaver našti parančulij pe kaste o manuš si te šuvel pesko glaso taj khanikaske naj musaj te šuvel pesko glaso.
Sekretni alosarimatava
O manuš kaj šuvel pesko glaso naj musajime te sikavel vaj te phurij sar šutas pesko glaso.
Neki alosarimata
Le manuš kaj šuven penge glasura alon kodolen kaj bešen ando, sar naprimer, riksdagen vaj kommunfullmäktige.