Published: 2 March 2023
Jienastimriektá ja jienastimkårttå
Diedo álmmuktjáledimregisstarin mierredi jus dujna l jienastimriektá ja makkir válljimdajvvaj gullu.
Diedo viettjaduvvi 30 biejve válljimbiejve åvddåla. Jus dujna l jienastimriektá válljimin de dån tjáleduvá jienastimlåhkuj.
Jienastimriektá umasse válljimijda
Válljim rijkkabäjvváj
- maŋemusát válljimbiejve ålli 18 jage,
- la svieriga viesajdiddje ja
- le jali nágin bále årrum álmmuktjáledum Svierigin.
Válljm kommuvnna- ja dajvvafábmoduvvamij
- maŋemusát válljimbiejve ålli 18 jage,
- le álmmuktjáledum kommuvnan ja dajvan ja
- le svieriga viesajdiddje, viesajdiddje ietjá EU-rijkan, Islándan jali Vuonan jali,
- le viesajdiddje ietjá rijkan jali stáhtadagi ja årrum álmmuktjáledum Svierigin binnemusát gålmmå jage maŋŋálakkoj válljimbiejve åvddåla.
Válljim Europaparlámänntaj
- maŋemusát válljimbiejve ålli 18 jage,
- le svieriga viesajdiddje ja l jali nágin bále årrum álmmuktjáledum Svierigin,
- la viesajdiddje EU:a muhtem rijkajn, la álmmuktjáledum Svierigin ja l ietjat diededam jienastimlåhkuj.
Jienastimkårttå
Jus dujna l jienastimriektá de oattjo jienastimkårtåv. Rájaduvvá påvståjn gålmmå váhko válljima åvddåla.
Jienastimkårtån la tjáledum makkir válljimijda dujna l jienastimriektá ja válljimlanjá namma, adrässa ja rabásájge.
Jus dån ájgo åvddålájgejienastit de hähttu maŋáj válldet ietjat jienastimkårtåv. Jus dån illa oadtjum ietjat jienastimkårtåv ja dav la láhppám, de máhtá oadtjot ådåsav kommuvnan jali Válljimfábmudagán.
Jus duv miela milta diedo duv birra jienastimkårtån älla duolla, de hähttu tjálalattjat duollimav ádnot. Dagáduvvá lenastivran.