Opšto izbori ki Švedia
Published: 11 May 2026
Isi štar opšto izboria ki Švedia – izbori bašo parlamenti, regiakiri skupština, skupština opština hem Evropakoro palamenti.
Opšto izboria
Isi štar opšto izboria ki Švedia:
- parlamenteske
- skupština regiake
- skuština opštinake
- Evropaparlamenteske
- Redovno izboria parlenteske, regia – hem skupština opštinake održinenape i dujto purano kurko/nedela ko septemvri sako štarto berš.
Izbor bašo Evropaparlamenti održinelape ko april, maj, juni ja juli sako pandžto berš telo jekh periodi so odlučinelape taro Evropakoro parlamenti. O izbor sprovedinelape ko soglasnost prema e EU- phuvjakoro nacionalnikano izboreskoro kanuni hem ki Švedia o kanuni vakerela so e izboreskoro dive sakofar ka održinelpe purano kurko.
Opšto hem ednakvo hako glasibaske hem slobodno, garavde hem direktno izboria
O švedikano izboreskoro sistemi temelinelape ko jekh opšto hem jednakvo hako glasibaske hem so o izboria tane slobodno, garavde hem direktno. E izboreskoro sistemi tano decentririmo hem transparatnikano hem robustano. Odova upravedinelape tari i uprava, soj tano jekh taro o štar ustavia.
Opšto hako glasibaske
O hako glasibaske odlučinelape sade ki osnova so o manuša uopšte šaj te ispuninen, mangela te vakerelpe o berša, državjanstvo hem e bešibaskoro than.
Ednakvo hako glasibaske
Sa e biračen isi isto hako te deluinen ko izboreskoro rezultati, mangela te vakerelpe jekh glaso ko dženo.
Slobodno izboria
Niko aver na sminela te odlučinel ko so o birači ka glasinel hem niko nae primorimo te glasinel.
Garavde izboria
O birači nae primorimo te sikavel ja te vakerel ko so ov/oj glasindža.
Direktno izboria
O biračia birinena odolen so ka bešen ko misal, ko parlamenti ja skupština opština.