Nåv dij oassálasstebihtit sámediggeválljimin 2025
Belludagá, juohkusa, jali sjimugis organisasjåvnå ma sihti oassálasstet válljimin Sámediggáj hähttuji diededit sijá namádusáv ja sijá kandidáhtajt Válljimfábmudahkaj. Dån gut diededuvá kandidáhttan hähttu aj dav dåhkkidit nåv gåhtjodum guládisá baktu.
Diededihtit ietjada oassálasstijt sámediggeválljimin sjnjilltjamáno 1.b. rájes 2025
Gájkka juohkusa, belludagá ja sjimugis organisasjåvnå hähttuji diededit sijá namádisáv ja sijá kandidáhtajt registarduvátjit válljimij Sámediggáj. Belludahka avtabále rávvi sijá válljimsiedilijt.
Dijá kandidáhta hähttuji årrot tjáledum låhpalasj jienstimlågon mij vuododuvvá maŋemusát sjnjilltjamáno 1.b. 2025. Válljimfábmudahka mierret dijá namádisá ja kandidáhtaj diededime hárráj gå jienastimlåhko vuododuvvá. Buorre l danen jus dij vaddebihtit dijá diededimev ájge bále sjnjilltjamánno 1.b. 2025.
Maŋemus biejvve vaddet dijá diededimev la mánnodahka sjnjilltjamáno 10.b. 2025.
Huomaha Válljimfábmudahkaj la råhtto giehtadallat ássjijt åvddål gå válljimsiedila galggi prienntiduvvat ja rájáduvátjit jienastimkårtåjn.
Diededit dijá belludaknamádisáv ja dijá kandidáhtajt
Juogos, belludahka jali sjimiugis organisasjåvnnå galggá vaddet tjuovvo ássjetjállagijt oattjotjit sijá namádisáv registardum:
- Blankähtta Namádisá ja kandidáhtaj diededibme.
- Jus namádisán la symbåvllå de dij galggabihtit duoddit dav svg- jali eps-hámen (bájnon jali tjáhppisvielggadin).
- Bievddegirje moattádus juohkusis, belludagás jali sjimugis organisasjåvnås gånnå vuojnnu:
- makkir namádis mij galggá årrot fámon juohkusij, belludahkáj jali sjimugis organisasjåvnnåj
- gut la dåhkkidum åvdåstiddje dahkat diededimev
- gut la åvdåsvásstediddje válljimsiedilkorrektuvras (jus ietjá gå dåhkkidum åvdåstiddje)
- Blankähtta Kandidáhttalissta kandidáhtaj mij galggá prienntiduvvat válljimsiedilijn. Jus belludagán li moadda lista de dij galggabihtit nummardit listajt.
- Guládis - miededibme diededibmáj kandidáhtas gájkka diedeum kandidáhhttajda. Dij máhttebihtit guodet guládisájt juogo de blankehtan jali digitálalattjat.
Blankehta val gávnnuji dárogielan.
Namádisá ja kandidáhtaj diededime (pdf)
Ladda ner - pdf-filen Namádisá ja kandidáhtaj diededime, Fyll i på skärmLadda ner - pdf-filen Namádisá ja kandidáhtaj diededime, För utskriftGuládis – Miededibme diedádussaj kandidáhtas (pdf)
Ladda ner - pdf-filen Guládis – Miededibme diedádussaj kandidáhtas, Fyll i på skärmLadda ner - pdf-filen Guládis – Miededibme diedádussaj kandidáhtas, För utskrift
Ådå juohkusa, belludagá jali sjimugis organisasjåvnå hähttuji guodet dårjav
Juohkusa, belludagá jali sjimugis organisasjåvnå majn dálásj mandáhttaájgen älla mandáhta Sámedikken riekkniduvvi ådå belludahkan ja galggi ietján gå diedádus namádisá hárráj aj duoddit:
- Bievddegirjes moattádusáv belludagás mij vuoset makkir namádis galggá registarduvvat.
- Blankähtta Doarjja nammavuollájtjállagijda vuollájtjállagij binnemusát 50 ulmutjijs gudi gávnnuji låhpalasj jienastimlågon doarjjagin diedádussaj.
- Moattádus bievdegirjes gånnå vuojnnu juogos, belludahka jali sjimugis organisasjåvnnå l dåhkkidam njuolgadusájt ja stivrav.
Blankehta gávnnuji val dárogielan.
Doarjja nammavuollájtjállagijda (pdf)
Ladda ner - pdf-filen Doarjja nammavuollájtjállagijda, Fyll i på skärmLadda ner - pdf-filen Doarjja nammavuollájtjállagijda, För utskriftDát dáhpáduvvá gå Válljimfábmudahka l duosstum dijá diedádusáv
Válljimfábmudahka almustahttá diededum namádisáv val.se. Jus aktak diededibme fájllu jali dárbaj tjielggiduvvat de mij aktavuodav válldep juohkusijn, belludagájn jali sjimugis organisasjåvnåjn aktavuohtadiedoj baktu majt dij lihpit diededam blankehtan. Mij aktavuodav válldep dijájn åvdemusát mejlajn jali telefåvnåjn. Jus dij ehpit vatte ållestimijt de mij ep máhte dåhkkidit dijá diedádusáv. Mij gähttjap namádis ja máhttelis symbåvlå ij máhte másstaduvvat ietjá namádisájn mij la fámon sämmi válljimij.
Gå mij lip giehtadallam ássjev fábmogis njuolgadusáj milta de mij mierredip. Jus mij mierredip registardit namádisáv de mij almustahttep dáv val.se.
Jus válljimfábmudahka ij dåhkkida dijá diedádusáv de mij diededip juohkusav, belludagáv jali sjimugis organisasjåvnåv. Diededibme birra diedádus la giehtadallamin gádoduvvá val.se. Dij máhttebihtit gujddit Valljimgiehtadallamsiebrrerádáj.
Gujddim galggá boahtám siebrrerádáj vahko sinna biejves gå gujddidum märrádus almustahteduváj val.se. Jus märrádus ij la almustahtedum (gå mij ep dåhkkida diedádusav) de dat gálggá boahtám váhko sinna biejves gå gujddijiddje oattjoj oasev válldet märrádusás.
Kandidáhta ja válljimsiedila
Juogos, belludahka jali sjimugis organisasjåvnnå máhttá diededit kandidáhtajt aktaj jali moatte listaj. Lista l juogos kandidáhta vissa vuoron. Juohkka lissta hähttu sisanedit binnemusát gålmmå kandidáhta (sämmi ulmusj máhttá tjáleduvvat moatten listan). Lista prienntiduvvi válljimsiedilijda ma rájaduvvi gájkka jienastimdåhkkidum ulmutjijda.
Válljimin Sámediggáj val gávnnuji válljimsiedila goappátjagá namájn namádisan ja kandidáhttanamáj. E gávnnu juogo de guoros válljimsiedila jali válljimsiedila val namáj juohkusij, belludahkaj jali sjimugis organisasjåvnnåj.
Dåhkkidit válljimsiedilkorrektuvrav
Válljimfábmudahka dahká válljimsiedilkorrektuvrav mij rájaduvvá mejlajn ulmutjij gev belludahka l diededam korrektuvrraåvdåsvásstediddjen.Åni ájge diehti prienntimij de hähttu åvdåsvásstediddje belludagán vásstedit korrektuvrav dalága.
Maŋŋel gå korrektuvrraåvdåsvásstediddje la dåhkkidam korrektuvrav de válljimsiedil máhttá prienntiduvvat.
Válljimsiedilij prienntim
Válljimsiedila prienntiduvvi vielggis páhppárin ja li A6 stuorrudagán. Válljimsiedilijn prienntiduvvi namádis belludahkaj ja namá diededum kandidáhtajn.
Válljimsiedilin tjáhkkidi ienemusát 72 kandidáhta åvddåbälláj ja maŋŋebälláj, sahti gå juohkka kandidáhtta val rávkká gárggádisáv válljimsiedilin.
Válljimsiedilij juogadibme
Belludagá ma li sijáv diededam ja sijá kandidáhtajt ájge bále oadtju válljimsiedilijt prienntidum ja juogadum Válljimfábmudagás.
Jus belludagán li moadda lista de prienntiduvvi juohkka listas avta enas.
Válljimfábmudahka rádjá juohkka válljimsiedilis avtav aktan jienastimkårtåjn gájkajda gudi li tjáledum låhpálasj jienastimlågon. Válljimsiedila li aj sadjihin váljjijiddjijda gájkka válljimlanjájn.
Duodden belludagá oadtju 1 000 válljimsiedila juohkka lisstaj juogadittjat sijá sávadusá milta.
Mákso válljimsiedilijda
Jus belludahka sihtá rávvit ienep válljimsiedilijt gå majt belludahka oadtju nåvkå de dij máhttebihtit aktavuodav válldet mijájn ienep diededibmáj mávso ja máksema hárráj.
Dij rávvibihtit sämmi blankehtan nåv gåk námádisá diededibme.
Diededibme dunji kandidáhttan válljimin Sámediggáj
Válljidahtte válljimin Sámediggáj de dujna galga:
- jienastimriektá válljimin Sámediggáj
- diededuvvam kandidáhttan registardum juohkusis, belludagás jali sjimugis organisasjåvnås.
Kandidáhta galggi guorrasit diededibmáj guládisá baktu
Juohkka diededum kandidáhtta galggá vaddet ietjas vuollájtjáledum guládisáv juohkusij, belludahkaj jali organisasjåvnnåj. Kandidáhtta máhttá aj vaddet guládisáv digitálalattjat. Mij almustahttep sválldasav miededit diededuvvat kandáhttan BankID:ajn jali Freja ID+ val.se guovvamanon 2025.
Guládisá baktu kandidáhtta loabet diededuvvat ja gávnnut válljimsiedilin.
Juogos, belludahka jali sjimugis organisasjåvnnå vaddá gájkka guládisblankehtajt Válljimfábmudahkaj.
Belludaktjáládusá
Gájkka juohkusa, belludagá jali sjimugis organisasjåvnå ma li registardum válljimij oadtju tjoahkkájbiedjamav vissa diedojs låhpalasj jienastimlågos, vuojn namma. årudahka ja riegádimájgge jienastmdåhkkidum ulmutjijda. Sámedikke válljimdåjmadahka juogat belludaktjáládusájt maŋŋel gå Válljimfábmudahka l mierredam gájkka registardimij hárráj juohkusijs. belludagájs jali sjimugis organisasjåvnåjs. Jus diján li enep gatjálvisá belludaktjáládusáj hárráj de dij máhttebihtit aktavuodav válldet Samedikke válljimdåjmadagájn.