Published: 17 February 2025
Návte lihpit maŋen sámediggevälljimin 2025
Dåhke, partija ja sjimuk akktavuoda ma sihti maŋen årrot välljimin Sámediggáj verrtiji diededit ietjas namav ja ietjas kandidáhtajt Välljimåjválatjaj. Dån gie diededuvvu kandidáhttan verrti áj dav duhkkidit nåv gåhtjodum tjellgima tjara.
Diededihtit maŋen årrot sámediggevälljimin njukktjamáno 1 biejve rájest 2025
Gájk dåhke, partija ja sjimuk akktavuoda verrtiji diededit ietjas namav ja ietjas kandidáhtajt vaj registreriduvvuji välljimij Sámediggáj. Dan gaskan partija diŋŋgu ietjas välljimsedilijt.
Dija kandidáhta verrtiji tjuadtjot maŋemus jienastimlågon mij dagaduvvuja maŋemusat njukktjamáno 1 biejven 2025. Välljimåjválatj mierreda dija diededimev nama ja kandidáhtaj birra gu jienastimlåhko dagaduvvuja. Danen ådtjobihtit diededimev guorret åvvdål njukktjamáno 1 biejven 2025.
Maŋemus bäjjve guorret diededimev lä mánnodagan njukktamáno 10 biejven 2025.
Giehtja lä ånegis ájjge Välljimåjválatjaj giehtadallat ässjijt hinnit välljemsedilijt prenntit ja jienastimkurtajgum rájjat. Guore ålles diededimev vaj giehtadallam manná buoragit.
Diededihtit ietjade partijanamav ja ietjade kandidáhtajt
Dåhkke, partija jala sjimuk akktavuohta gallgá guorret dá tjállagijt jus sihtá ietjas namav registrerit:
- Blankähtta Diededibme namast ja kandidáhtajst.
o Jus naman lä märrka gallgabihtit rájjat dav svg- jala eps-hámen (fierjan jala tjáhppatvällgadin). - Kopija dåhke, partija jala sjimuk akktavuoda buärrdegirjest gunne tjudtju:
o maggár namma gallgá årrot dåhkkáj, partijaj jala sjimuk akktavuohtaj
o gie lä duhkkidum åvdåstäjje diededimev dahkat
o gie lä vásstedäjje välljimsedilkorrektuvra åvdåst (jus læ ietjá gu duhkkidum åvdåstäjje) - Blankähtta Kandidáhttalissta daj kandidáhtajgum ma gillgi prenntiduvvut välljimsedilijn. Jus partija adná ienap listajt gallgabihtit listajt numrerit.
- Tjellgim – kandidáhta miededibme diededuvvut gájk diededum kandidáhtajst. Tjellgima máhttebihtit guorret blankiehtan jala digitála vuogen.
Blankiehta gävdnuji bär dáron.
Diededibme namast ja kandidáhtajst (pdf)
Ladda ner - pdf-filen Diededibme namast ja kandidáhtajst, Fyll i på skärmLadda ner - pdf-filen Diededibme namast ja kandidáhtajst, För utskriftTjellgim – Kandidáhta miededibme diededuvvut (pdf)
Ladda ner - pdf-filen Tjellgim – Kandidáhta miededibme diededuvvut, Fyll i på skärmLadda ner - pdf-filen Tjellgim – Kandidáhta miededibme diededuvvut, För utskriftÅrrå dåhke, partija jala sjimuk akktavuoda verrtijiuorret dårjov
Dåhke, partija jala sjimuk akktavuoda ma ie ane mandáhtajt dán mandáhttaájgen vuojneduvvuji årrå partijan ja gillgi ietján gu diededimev namast duädden rájjat:
- Kopija partija buärrdegirjest mij vuoseda namav mij gallgá registreriduvvut.
- Blankähtta Dårrjo nammavuollájtjállagijda namajgum binnámusat 50 almatjijst ma gävdnuji maŋemus jienastimlågon dårrjon diededibmáj.
- Kopija buärrdegirjest mij vuoseda dåhkke, partija jala sjimuk akktavuohta lä mierredam njuolgadusajt ja stivrav.
Blankiehta gävdnuji bär dáron.
Dårrjo nammavuollájtjállagijda (pdf)
Ladda ner - pdf-filen Dårrjo nammavuollájtjállagijda, Fyll i på skärmLadda ner - pdf-filen Dårrjo nammavuollájtjállagijda, För utskriftDát sjaddá gu Välljimåjválatj lä dusstum dija diededimev
Välljimåjválatj biejjá diededum namav webbabielláj val.se. Jus nágan diehto ij gävdnu jala verrtija tjellgiduvvut válldep akktavuodav duhkijn, partijajn jala sjimuk akktavuodajn daj diedoj bakkto mav lihpit tjállám blankähttaj. Mija válldep akktavuodav vuostak e-påstån jala telefåvnån. Jus ehpit guore duoddev dä iep máhte dija diededimev duhkkidit. Mija giehtjadip namma ja märrka ij máhte målsoduvvut ietjá namajn mij lä sämmi välljimin.
Gu läp giehtadallam ássjev duhkkidum njuolgadusaj mehti válldep mierrádusav. Jus mierredip namav registrerit dä biejjap dav webbabielláj val.se.
Jus Välljimåjválatj ij duhkkide dija diededimev dä diededip dav dåhkkáj, partijaj jala sjimuk akktavuohtaj. Diehto ahte diededibme lä giehtadallamin váldeduvvuja webbabielest val.se. Dija máhttebihtit mierrádusav luojjot Välljimgiehtadallamsäbbrerárráj.
Luojjomtjála gallgá båhtám säbbrerárráj vahko sinne dat biejvest gu luojodum mierrádus biejaduvvuj webbabielláj val.se. Jus mierrádus ij lä biejaduvvum (jus iep duhkkide diededimev) gallgá båhtám vahko sinne dat biejvest luojjoj ådtjoj mierrádusav.
Dåhkke, partija jala sjimuk akktavuohta máhttá diededit kandidáhtajt akkta vaj ienap listajda. Listan lä kandidáhta särra urdnigin. Fiert listan verrtiji binnámusat gålbmå kandidáhta årrot (akkta almatj máhttá ienap listajn årrot). Lista prenntiduvvuji välljimsedilin mav räjji gájk dajda ma idni riektav jienastit.
Välljimin Sámediggáj gävdnuji bär välljimsedila gåbbátjak namajn ja kandidáhtaj namajgum. Ie gävdnu guoros välljimsedila jala välljimsedila bär dåhke, partija jala sjimuk akktavuoda namajn.
Duhkkidit vällmijsedilkorrektuvrav
Välljimåjválatj dahká välljimsedilkorrektuvrav mij rájaduvvuja miejla bakkto dan almatjij gie vássteda korrektuvra åvdåst. Ånegis ájge dehti prenntimij partija vásstedäjje verrtija svärrut korrektuvvraj dalának.
Maŋŋel gu korrektuvvravásstedäjje lä duhkkidum korrektuvrav dä välljimsedil máhttá prenntiduvvut.
Välljimsedilij prenntim
Välljimsedila prenntiduvvuji vellgis báhppárin sturrudagan A6. Partija namma ja diededum kandidáhta prenntiduvvuji välljimsedilijda.
Välljimsedilin tjärrgi ienamusat 72 kandidáhta åvvdåbielen ja duogen, jus fiert kandidáhtta tjárrgá aktan gárgadasan.
Välljimsedilij juogadibme
Partija ma lä diededam ietjavse ja ietjase kandidáhtajt ájge sinne udtju välljimsedilijt prenntiduvvum ja juogaduvvum Välljimåjválatjast.
Jus partija adná ienap listajt dä prenntiduvvuji sämmi iednaga fiert listajst.
Välljimåjválatj rájjá aktav välljimsedilav akktan jienastimkurtajn gájkajda ma gävdnuji maŋemus jienastimlågon. Välljimsedila gävdnuji áj jienastejjijda gájk välljimrummajn.
Partija áj udtju 1 000 välljimsedilijt fiert listast ietj juogadit guktte sihti.
Välljimsedilij kustik
Jus partija sihtá diŋŋgot ienap välljimsedilijt än gu partija udtju máksodak máhttebihtit akktavuodav válldet mijaj ienap diedo åvdåst kustiga ja mákso birra.
Diŋŋgobihtit sämmi blankiehtan gunne diededihpit namav.
Diehto dunji kandidáhttan välljimin Sámediggáj
Jus sida välljidahtte årrot välljimin Sámediggáj galga:
- riektav adnet jienastit välljimin Sámediggáj
- diededuvvum årrot kandidáhttan registreridum dåhkest, partijast jala sjimuk akktavuodast.
Kandidáhta gillgi miededit diededimev tjellgima tjara
Fiert diededum kandidáhtta gallgá guorret ietjas vuollájtjáledum tjellgimav dåhkkáj, partijaj jala akktavuohtaj. Kandidáhtta máhttá áj guorret tjellgimav digitála vuoge mehti. Mija biejjap lieŋkav miededibmáj diededuvvut kandidáhttan BankID:jn jala Freja ID+:jn webbabielen val.se gåvvåmánon 2025.
Kandidáhtta miededa diededimev ja maŋen årrot välljimsedilin tjellgima tjara.
Dåhkke, partija jala sjimuk akktavuohta guorrá gájk tjellgimblankiehtajt Välljimåjválatjaj.
Partijalåhko
Gájk dåhke, partija jala sjimuk akktavuoda ma lä diededum välljimij udtju tjåhkkájgiessemav såmes diedojgum maŋemus jienastimlågost, dat hållá jienastejjij namajt, adriessajt ja riegádimäjgijt. Sámedigge välljimkanslija juogada partijalågojt maŋŋel gu Välljimåjválatj lä mierredam gájk duhkij , partijaj jala sjimuk akktavuodaj registrerimij birra. Jus dijan lä ienap gatjalvasa partijalågoj birra dä máhttebihtit akktavuodav válldet Sámedigge välljimkanslijajn.