Tjaatsestimmiekåarhte veeljemisnie Saemiedægkan

Gaajhkh gïeh tjaatsestimmiereaktam utnieh jïh leah meatan dennie minngemes tjaatsestimmielåhkosne åadtjoeh tjaatsestimmiekåarhtem jïh materijaalh tjaatsestæmman.

Tjaatsestimmiekåarhte jïh materijaalh tjaatsestæmman seedtie medtie 30 biejjieh veeljemebiejjien åvteli. Veeljemisnie Saemiedægkan 2025 tjaatsestimmiekåarhth seedtie gaskoeh voerhtjen 2025.

Datne daarpesjh dov tjaatsestimmiekåarhtem gosse edtjh tjaatsestidh

Datne daarpesjh tjaatsestimmiekåarhtem gosse edtjh prievine jallh veeljemesijjesne tjaatsestidh.

Jis orre tjaatsestimmiekåarhtem daarpesjh maahtah Saemiedigkien veeljememoenehtsem, Leeneståvroem Norrbottenen leenesne vuj Veeljemereeremem gaskesadtedh.

Bïevnesh tjaatsestimmiekåarhtesne

Tjaatsestimmiekåarhtesne dov nomme jïh nummere tjaatsestimmielåhkosne tjåadtjoeh. Tjaatsestimmiekåarhte aaj gaptjeseskuahpa. Gosse tjaatsesth edtjh veeljemeskuahpam dov tjaatsestimmine bïejedh tjaatsestimmiekåarhten sïjse.