Published: 19 February 2025
Jienesth Saemiedigkien veeljemasse
Veeljeme Saemiedägkan suehpeden 18.b. 2025 maahtah göökte vuekie mietie jienestidh. Maahtah veeljemesavkesne veeljeme biejjien jienestidh jallh prievien tjirrh jienestidh Sveerjesne jallh ålkoerijhkesne.
Prievien tjirrh Sveerjesne jallh ålkoerijhkeste jienestidh
Medtie akten asken veeljeme biejjien åvtelen Veeljeme myndighete seedtie materiale jih jienestimmiekårth gaajhkide mij jienestimmie reaktoem utnieh jih gååvnesieh daan galhkeme jienestimmielåhkosne.
Daate materiale dihte lea jienestimmie kåarhte, veeljemelästoe, veeljemekuverte, bäjngoldskuverte jih bïevnesh guktie edtjh öörnedh jih jienestidh.
Datne maahtah prievien tjirrh jienestidh daan varkie datne materialem påastesne åådtjeme. Datne tjoerh prieviejienestimmiem seedtedh guktie edtja dahkoe jaksedh åvtelen jienestimmide ryöknieh suehpeden 26 .b. Mejtie datne ålkoerïjhkesne dellie tjoeverh sagke varkebe seedtedh.
Naemhtie darjoeh gåessie prievien tjirrh jienesth
Guktie prievien tjirrh jienestidh datne daarpesjh:
- dov jienestimmiekåarhte/bäjngoldskuverte
- veeljemelästoe
- veeljemekåarte
- bäjngoldskuverte
- göökte almetjh mij leah båarasåbpoe 18 jaepieh mah maehtieh vähna årrodh.
Naemhtie darjoeh gåessie edtjh prievien tjirrh jienestidh:
- Jienesth oktegh veeljeme lästoem daan dåahkan, krirrie jallh jeatja ektiedimmie maam sijhth jienestidh.
- Kroessem beaja akten kandidaatese daan veeljemelästosne jis sjïere almetjem sijth jienestidh. Bïejh veeljemelästoem daan veeljeme kuverten sijse. Aellieh goh veeljeme lästoem dåarmodh. Dahph kuvertem jih njimkedh dam jallh roenem sijse marngesth.
- Daelie edtja dov vähnah meatan årrodh. Bïejh dov veeljemekuvertem sijse veeljemekåarte/bäjngoldskuvertese jih ikte njimkedh. Tjaalah dov nommem jienestimmiekåartese jih baajh dah dov gåabpatjahkh vähnah sijjien nommide jih årromesijjide tjaeledh.
- Bïejh dam njimkeme jienestimmiekåarhtem/bäjngoldskuverte daan plaave bäjngoldskuvertese. Vaaksjoeh nummerem jienestimmielåhkosne guktie dihte föönsteresne vuajna. Njimkedh bäjngoldskuvertem.
- Bïejh prieviejienestimmiem buerie tijjen åvtelen guktie dahkoe jaksa åvtelen suehpeden 26.b. Prieviemïerhkem joe Sveerjesne maakseme. Ålkoerijhkeste prieviemïerkem daarpesjh. Daelie datne jienestamme.
Daarpesjh jeatjahtehtedh?
Aellieh goh provhkh jienestimmiekåarhte/bäjngoldskuverte jallh bäjngoldskuvertem jis joe dam njimkehtamme. Jienestimmieh maam rijhpestamme eah dåhkasjehtieh gåessie ryöknoeh. Gaskesadth Saemiedigkine jallh Veeljememyndighete gåessie edtjh orre kuvertem dängkodh.
Jis viehkiem daarpesjh gåessie edtjh prieviejienestimmiem öörnedh
Jis funksjovnevueliedimmie jallh nemhtie mij dorje ij jijtje maehtieh riejries dov jienestimmem maahtah viehkiem aanoestidh, akte dejstie dov vähnijste jallh jeatja almetjistie.
Jis daerpies dihte maahta datnem viehkiehtidh jih vihtesjidh aktem almetjejienestimmem jih veeljemelästoem veeljemekuverten sijse biejedh.
Filme guktie prievien tjirrh Saemiedigkien veeljemasse jienestidh.
Datne maahtah sveerjen giele teekstem veeljedh gåessie filmem spealedh.
Jienesth veeljemesavkesne veeljeme biejjien
Veeljemisnie Saemiedagkan maahtah jienestidh sadth magkeres veeljemesavkesne sijhth veeljemebiejjien suehpeden 18.b. 2025.
Veeljemesavkah gaahpode gaskem tsåahka 8.00 jih 20.00.
Gaavnh veeljemesavkam
Daesnie maahtah vuejnedh magkeres veeljemesavkah maahtah nuhtjedh.
Veeljemesavkah gååvnesieh dah sijjine:
| Báiki | Latnja |
|---|---|
Gárasavvon | Församlingsgården, |
Badje Sohppar | Övre Soppero Skola |
Giron | Sametingets Kansli, Adolf |
Jiellevárri/ | Ávki, Malmbergsvägen 4 |
Jåhkåmåhkke | Sparbankssalen, Ája-Huset, |
Árjepluovve | Medborgarhuset, |
Dearna | Tärna Samservice, |
Árviesjávrrie | Arvasgården, |
Julevu | Kulturens Hus, |
Suorssá | Folkets Hus, |
Bihtám | Kyrkcenter, Piteå Församling |
Máláge | Församlingshemmet, |
Syöldate | Stadshuset Brinken, |
Vualtjere | Tingshuset/Turistbyrån, |
Liksjoe | Entrehuset, |
Hotagen/ | Rötviken Bygdegård |
Ubmeje | Tráhppie, Gammlia, |
Staare | Gaaltije – Sydsamiskt kulturcentrum, Köpmangatan 58 |
Bïenjedaelie | Funäsdalens Skola, |
Sjädtavaellie | Kulturmagasinet, |
Stockhoalbma | Hyresgästlokalen, |
Meatan vaaltah id-tjaalegh jih jienestimmiekåarhte
Datne meatan Id-tjaalegh jih jienestimmiekåarhtem daarpesjh jis edtjh dov veeljemesavkesne veeljemebiejjien jienestidh.
- Jis ij naan id-tjaalegh maahta akte jeatja almetje dov identitetem vihtesjidh, dellie dihte almetje tjoara sov id-tjaalegem vuesiehtidh.
- Jis datne åajaldahteme jallh gaerviehtamme dov jienestimmiekåarhtem maahtah orre åadtjodh dah jienestimmiedåastohtäjjah luvnie. Gååvnesieh veeljemekuverte jih veeljeme lästoeh veeljemesavkesne.
Jienestimmiedåastoehtäjjah dov jienestimmiekåarhtem nuhtjieh guktie dov jienestimmie vijrebasse Leeneståvrose Norrbottnese seedtieh gusnie jienestimmielåhkosne vihtesjieh jih ryöknieh.
Naemhtie veeljemesavkesne tjaatsesth
- Oktegh veeljemelästoem veeljh daan dåahkan, krirrie jallh jeatja ektiedimmie maam sijhth jienestidh. Datne veeljemekuvertem åadtjoeh jienestimmiedåastoehtäjjiste jis ij meatan utnieh.
- Vaadtsah oktegh akten veeljemeviedtjen duakan.
- Kroessem bïejh akten kandidaatese veeljemelästosne jis sijhth sjïere almetem jienestidh. Bïejh veeljemelästoem akten veeljemekuvertese. Aellieh goh veeljemelästoem dåarmodh. Dahph kuvertem jih njimkedh daam jallh roenem marngh.
- Vaadtsah dejtie jienestimmiedåastohtäjjide dov veeljemekuvertene, dov id-tjaalegene jih dov jienestimmiekåarhtene/ bäjngoldskuverte. Jis id-tjaalegem ohtselh maahtah jeatjah almetje mij lea 18 jaepien båeries dov identiteetem vihtesjidh. Dellie dihte sov Id-tjaalegem tjoevere vuesiehtidh.
- Jienestimmiedåastoehtäjjah gïehtjedieh jis jienestimmem reaktoe dorjeme jih vihtesjieh datne jienestamme. Daan männgan veeljemekuvertem biejieh jienestimmiekåarhtese/bäjngoldskuverte jih ikte njimkedh. Jienestimmide biejieh tjööngkemeborhtjen sijse. Daelie datne jienestamme!
Jis viehkiem daarpesjh dov tjaatsestimmiem öörnedh veeljemesavkesne
Jis funksjovnevueliedimmie jallh nemhtie mij dorje ij jijtje maehtieh riejries dov jienestimmem darjodh maahtah viehkiem aanoestidh giestie veeljemeviedtjen duekesne.
Jis daerpies dihte almetje maahta datnem viehkiehtidh vihtesjidh aktem almetjejienestimmem jih veeljemelästoem veeljemekuverten sijse biejedh.
Datne jijtje reerh gie datnem viehkehte datne aaj maahtah jienestimmiedåastoetæjjiste viehkiem gihtjedh. Jienestimmiedåastoetäjjah sjeavohts diedtem utnieh eah åadtjoeh giese jiehtedh maam datne jienestamme.