Jienastit belludahkaj ja sierra ulmutjij válljimin Sámediggáj

Gávnnuji válljimsiedila kandidáhtaj juohkka belludahkaj mij oassálasstá válljimin. Ietján gå jienastit belludahkaj de dån aj máhtá sierra ulmutjij jienastit gå ruossi kandidáhttaj.

Válljimsiedila sisanedi belludaknamájt ja kandidáhttalistajt

Válljimin Sámediggáj máhtti juohkusa, belludagá ja sjimugis organisasjåvnå oassálasstet. Nammaduvvi dánna belludahkan.

Gájkka belludagá ma oassálassti válljimin Sámediggáj hähttuji åvddåldiededit sijáv ja sijá kandidáhtajt. Maŋemus biejvve diededibmáj lij snjilltjamáno10.b. 2024.

S Gähttjat makkir belludagájda ja kandidáhtajda dån máhtá jienastit.

Válljimsiedila belludaknamáj ja kandidáhttalista prienntiduvvi ja biejaduvvi valljimlanjájn.Gájkka belludagáj válljimsiedila rájaduvvi aj årudahkaj gejn la jienastimriektá aktan jienastimkårtåjn. Jus dujna älla válljimsiedila de aktavuodav válde Sámedikke válljimsiebrrerádijn jali Válljimfábmidagájn.

JJienastit belludahkaj váni sierra ulmutjij jienastit

Sidá gus dån val jienastit avta belludahkaj de dån váldá válljimsiedilav belludagá namájn, ja dibde ruossit kandidáhttaj.

Sierra ulmutjij jienastit

Dån máhtá bájnatjit kandidáhta máhttelisvuodav sisiválljiduvat gå sierra ulmutjij jienasta. Merkaj då ruossi kandidahta nammaj válljimsiedilin. Dån val máhtá ruossit avta kandidáhttaj - jus dån ruossi måttijt de jiedna riekkniduvvá jiednan belludahkaj ja ij aktak kandidáhta oattjo duv sierra ulmusj jienav.

Dån i máhte bájnatjit makkir kandidáhta gudi sisiválljiduvvi sihko soames kandidáhtav. Sihkkom riekkniduvvá nåv gåk ij gávnnu. Ij la ga máhttelis tjállet vil kandidáhtajt.