Published: 17 February 2025
Rïjmmuo välljemisse Sámiedïggáje
Välljemerïjmmuo Sámiediggievälljemen 2025 uvdaste. Rîjmuosne gåvdnijeäh ájgieh uvmassie såjttiemij uvdaste, välljemen uvddale, välljemisne jah välljemen miŋŋiele.
Tabiällasne vuöliesne vuajnáh äjgijde ájnas såjttiemij uvdaste Sámiediggievälljemisse gueddetmánuon 18 b. 2025. Jüs sïjdh luhkkat villie välljemen bïjrra, jiänastemeriäktan bïjrra jah man láhkáje jiänasth, jah nåv villie, gávnh dab bieliesne Välljeme Sámiedïggáje 2025.
2024
Beäjvve | Såjttieme |
|---|---|
Gålgguománuon 20 b. | Miŋŋijmus beäjvvie guh diedietiebmie jiänastemeluhkkije galggá jåkssat Sámiedïggáje. Diedietiemieh gåvdnijeäh Sámiediggien heäjbmabieliesne. |
Juhttatmánuon 15 b. | Sámiediggien välljemeseäbrrieráđđie tjuavvare miŋŋijmust dan biejvien båddasadtje jiänastemelåhkkuov tsegget. Dahtta galggá seđan urruot stiäđđasine såmies sijjijne lándan bïjrra giäsa sïjttá dab jesset. Välljemefåbmadahkka dah sijjijde almuote. |
Juvllamánuon 15 b. | Güjđđelvis välljemeseäbrrieráđien mierriediemien giäh gelggh tjálietuvvat jiänastemeluhkkije galggá båhtáme Norrbottenen Liänastïvrráje. |
2025, välljemejáhpie
Beäjvve | Såjttieme |
|---|---|
Guavvamánuon 17 b.* | Norrbottenen Liänastïvrra mierriede güjđđelvassij bïjrra mah guvllijeäh båddasadtje jiänastemeluhkkije. |
Njukttjamánuon 1 b. | Sámiediggien välljemeseäbrrieráđđie tseggije miŋŋijmust dan biejvienstuövies jiänastemelåhkkuov. |
Njukttjamánuon 10 b.* | Dåhkieh, byölladahkkh jah aktaláhkásadtje siebrieh juhkkh sïjtth åssálasstiet välljemisse tjuavvareäh miŋŋijmust dan biejvien diedietit sïjjan nammadassuv jah sïjjan kandidáhtijde, jah välljemesiäđđalijde dïŋgguot. |
Vuartjismánuon 16 b. | Jiänastemekurtta bijjieldiskuviäran hamiesne, jah ábdnash prievviejiänastemen uvdaste säddetüvvh geäjddie giäh leäh tjálietuvvame jiänastemeluhkkije.
Prievviejiänastiebmie álggá Sverjesne jah ulgguorïjkasne. |
Gueddetmánuon 18 b., välljemebeäjvvie | Välljemebeäjvvie leä guvtade ájlliegisne gueddetmánuon, feärtta niäljáde jábien. Välljárh mähtth jiänastit välljemesijjijne Sverjjen bïjrra. Dah leäh rahppuode klåhkká 8-20.
Jiänh mah leäh duasstuotuvvame välljemesijjijne säddetüvvh Norrbottenen liänastïvrrije. |
Gueddetmánuon 26 b. | Árijmus vahkkuon välljemen miŋŋiele ryöknname Norrbottenen Liänastïvrasne álggá. Norrbottenen liänastïvrra jessije jah ryöknnije jiänijde, mandáhtijde juagade jah nammade lahttasijde jah sïjjásadtjijde. Båduos almuotuvvá Välljemefåbmadahkkan heäjbmabielisne nåv ruvva guh leä ållást. Välljeme såjttá güjđđetuvvat luhkkie biejviesne välljemebuhtasiste leä almuotuvvame. |
*Jüs beäjvvie lágan mehte leä bissiesne, miŋŋijmus beäjvvie leä båhtieje árggiebiejvien sïjjáje.