Published: 19 February 2025
Jiänastit välljemisne Sámiedïggáje
Välljemisne Sámiedïggáje gueddetmánuon 18 b. 2025 máhtáh jiänastit guöktieláhkáje. Máhtáh jiänastit välljemesijjiesne välljemebiejviesne jallá prievviejiänastit Sverjesne jallá ulgguorïjkaste.
Prievviejiänastit Sverjesne jallá ulgguorïjkaste
Mánuon mieriesne välljemebiejvien uvddale säddije Välljemefåbmadahkka ábdnasijde jah jiänastemekurtijde gájkijde geässnie leä jiänastemereäktta jah gåvdnije stuövies jiänastemelåhkuosne.
Ábdnasijne leä duv jiänastemekurtta, välljemesiäđđalh, välljemekuveärra, gåptjaskuveärra jah diedietiebmie man láhkáje gárvieth duv jiänuv.
Dådna máhtáh prievviejiänastit nåv ruvva guh dådna leäh udtjame duv ábdnasijde påstijne. Dådna tjuavvarh påsstat prievviejiänuv vaj leä jåkssame uvddale guh jiänijde ryöknnagühth gueddetmánuon 26 b. Jüs leäh ulgguorïjkasne mähtetjh dárbahit dab säddet iemien udná.
Návtie dahkkh guh prievviejiänasth
Jiänastïdtjat dárbah:
- duv jiänastemekurtta
- välljemesiäđđalh
- välljemekuveärra
- gåptjaskuveärra
- guökties almatjh bijjiele 18 jábien juhkkh máhttieveägan vïhttanine urruot.
Návtie dahkkh guh prievviejiänasth:
- Ukttak välljh välljemesiäđđaluv dåhkien, byölladahkkan jallá såmmáláhkáje siebrien uvdaste massa sïjdh jiänastit.
- Kruesseh kandidáhtuv välljemesiäđđalisne jüs sïjdh persuvnnajiänastit. Biäjh välljemesiäđđaluv välljemekuveärrije. Allieh välljemesiäđđaluv margŋasth. Dahpph jah njåmggalh kuviäruv jallá margŋasth dab.
- Dal galggaveägan duv vïhttanh fáruosne urruot. Biäjh duv välljemekuviäruv jiänastemekurtan/bijjieldiskuviäran sïjsa jah njåmggalh dab. Tjálieh duv nammatjállaguv jiänastemekurttije jah bájh gåbbá vïhttanh tjálliet suv nammatjállagijde jah sånnan adriässijde.
- Biäjh njåmggaluvvame jiänastemekurtuv/bijjieldiskuviäruv plávva gåptjaskuviäran sïjsa. Jessh jühtte nummare jiänastemelåhkuosne vujdnije fynsstarisne. Njåmggalh gåptjaskuviäruv.
- Påssth prievviejiänuv vaj asth buerest uvddale guh jiänijde ryöknnijeäh gueddetmánuon 26 b. Påsstamákssuo leä mákssietuvvame Sverjesne. Ulgguorïjkaste dárbah jïjtjat prievviemiärkuv. Dal leäh jiänastamme!
Dárbah dahkkat dab vïht?
Allieh uđđasiste adniet jiänastemekurtuv/bijjieldiskuviäruv jallá gåptjaskuviäruv mab dådna leäh juo njåmggalamme. Jiänh mah leäh rahppatuvvame süjtth dåssjiene dahkkat guh gelggh ryöknnatuvvat. Guvlath Sámiediggijne jallá Välljemefåbmadahkkijne vaj uđđa kuviärijde dïŋgguot.
Jüs dárbah viehkiev gárvietit duv prievviejiänuv
Jüs duvsnie leä dåjmmahieriediebmie jallá aktalágátje masstie dådna ih máhtieh jïjtja gárvietit jiänuvte máhtáh vïhttanuv jallá jiätjáguv máddiet duv viehkietit.
Jüs leä dárbies sådna udtja bujkkalvis viehkietit duv merkket persuvnnajiänuv jah biäjjat välljemesiäđđaluv välljemekuviäran sïjsa.
Fïlmma prievviejiänastiemien bïjrra välljemisse Sámiedïggáje
Dådna máhtáh välljet sámien tiäkstuv guh fïlmma spiäladuvvá.
Jiänastit välljemesijjiesne välljemebiejviesne
Välljemisne Sámiedïggáje máhtáh jiänastit välljemesijjiesne gugguo iehkienis Sverjesne gueddetmánuon 18 b. 2025. Välljemesijjieh leäh rahppuode 8.00 jah 20.00 gaskasne.
Gávdnat välljemesijjiev
Välljemesijjieh gåvdnijeäh dájdnie sijjijne:
Bájjke | Sajje |
|---|---|
Gárasavvon | Församlingsgården, Laestadiusvägen 81 |
Badje Sohppar | Övre Soppero skola – sporthallen |
Giron | Sametingets kansli, Adolf Hedinsvägen 58 |
Jiellevárri/Váhčir | Ávki, Malmbergsvägen 4 |
Jåhkåmåhkke | Sparbankssalen, n, Ája-huset, Lärargatan 2–4 |
Árjepluovve | Medborgarhuset, Strömvägen 23 A |
Dearna | Tärna samservice, V:a strandvägen 11 |
Árviesjávrrie | Arvasgården, Lappstadsgatan 7 |
Julevu | Kulturens hus, Skeppsbrogatan 17 |
Suorssá | Folkets hus, Stationsgatan 16 |
Bihtám | Kyrkcenter, Piteå församling Nygatan 23 |
Máláge | Församlingshemmet, Kyrkogatan 3 |
Syöldate | Stadshuset Brinken, Trädgårdsgatan 6 |
Vualtjere | Tingshuset/turistbyrån, Tingsgatan 1 |
Liksjoe | Entrehuset, Gammplatsen |
Hotagen/Rötviken | Rötviken Bygdegård |
Ubmeje | Tráhppie, Gammlia, Helena Elisabeths väg 4 |
Staare | Gaaltije – sydsamiskt kulturcentrum, Köpmangatan 58 |
Bïenjedaelie | Funäsdalens skola, Skolbacken |
Sjädtavaellie | Kulturmagasinet, Packhusgatan 4 |
Stockhoalbma | Hyresgästlokalen, Åsögatan 79, bv |
Váldieh fårrije id-báhppieruv jah jiänastemekurtuv
Dådna dárbah adniet id-báhppieruv jah jiänastemekurtuv jüs dådna galgh jiänastit duv välljemesijjiesne välljemebiejviesne.
- Jüs ih adnieh id-báhppieruv máhttá jiätjá almatje duv identitiähtuv duadastit, men die tjuavvare dahttak almatje id-báppieruv vuösietit.
- Jüs dådna leäh åjáldahttáme jallá láhppáme duv jiänastemekurtuv máhtáh uđđasuv ådtjuot jiänastemeduasstuotejjijste. Galggá ájáj gåvdniet välljemekuviärh jah välljemesiäđđalh välljemesijjiesne.
Jiänastemeduasstuotiejjieh bruvkkijeäh duv jiänastemekurtuv säddetjit duv jiänuv dan miŋŋiele Norrbottenen Liänastïvrráje güssnie galggá merrketuvvat jiänastemelåhkuosne jah ryöknnatuvvat.
Náv jiänasth välljemesijjiesne
- Guh leäh ukttak, välljh välljemesiäđđaluv dåhkien, byölladahkkan jallá aktaláhkásadtje siebrien uvdaste massa sïjdh jiänastit. Dådna ådtjuoh välljemekuviäruv jiänastemeduasstuotejjijste jüs ih leäh daggáruv buakttáme.
- Mannh ukttak välljemeliäban duahkáje.
- Kruesseh kandidáhtuv välljemesiäđđalisne jüs sïjdh persuvnnajiänastit. Biäjh välljemesiäđđaluv välljemekuviäran sïjsa. Allieh välljemesiäđđaluv margŋasth. Dahpph jah njåmggalh kuviäruv jallá margŋasth dab.
- Mannh jiänastemeduasstuotiejjijde välljemekuviärijne, ID-báhppierijne, jah välljemekurtijne/bijjieldiskuviärijne. Jüs duvsnie ij leäh ID-báhppiere máhtáh máddiet jiätjá almatjuv giä leä bijjiele 18 jábien vuaras duv identitiähtuv duadastit. Die tjuavvare dahtta almatje suv ID-báhppieruv vuösietit.
- Jiänastemeduasstuotiejjieh jessijeäh guh jiädna leä gärvveduvvame riäktsláhkáje jah tjáliesteäh guh dådna leäh välljeme välljijeluhkkije. Dan miŋŋiele sïjja välljemekuviäruv biäjjh välljemekurtan/bijjieldiskuviäran sïjsa jah njåmggaleäh. Jiädna biäjjatuvvá tjühkkemelåđan sïjsa. Dal leäh jiänastamme!
Jüs dárbah viehkiev gárvietit jiänuvte välljemesijjiesne
Jüs duvsnie leä dåjmmahieriediebmie jallá aktalágátje masstie dådna ih máhtieh jïjtja gárvietit jiänuvte máhtáh vïhttanuv jallá jiätjáguv máddiet duv viehkietit välljemeliäban duögiesne.
Jüs leä dárbies sådna udtja bujkkalvis viehkietit duv merkket persuvnnajiänuv jah biäjjat välljemesiäđđaluv välljemekuviäran sïjsa.
Dådna mierriedh jïjtja giä galggá duv viehkietit, men máhtáh áj máddiet viehkiev jiänastemeduasstuotejjijste. Jiänastemeduasstuotejjijne leäh sjávuodisvuahtaveälgguo jah eäh ådtjuoh mujttalit náganisse gukttie dådna leäh jiänastamme.