Kaleandar válgii Sámediggái

Golggotmánu 20 beaivvi

Maŋemus beaivi go dieđiheapmi jienastuslohkui galgá boahtán Sámediggái. Diehtu gávdno Sámedikki ruovttosiiddus.

Skábmamánu 15 beaivvi

Sámedikki válgalávdegoddi galgá maŋemusat dán beaivvi ásahan gaskaboddasaš jienastuslogu. Dan galgá dan maŋŋil gávdnot muhtin sajiin riikkas dáidda geat háliidit dárkkistit dan. Válgalávdegoddi almmuha daid báikkiid.

Juovlamánu 15 beaivvi

Váidaleapmi válgalávdegotti mearrádusas geat galget beassat jienastuslohkui galgá boahtán Leanastivrii Norrbottenis.

Guovvamánu* 17 beaivvi

Leanastivra Norrbottena leanas mearrida váidalemiid mat gusket gaskaboddasaš jienastuslogu.

Njukčamánu 1 beaivvi

Sámedikki válgalávdegoddi ásaha maŋemusat dán beaivvi loahpalaš jienastuslogu.

Njukčamánu* 10 beaivvi

Joavkkut, bellodagat ja sullasaš lihtut mat háliidit searvat válggas galget maŋemusat dán beaivvi dieđihit iežaset namahusa ja evttohasaid ja maid diŋgot válgalihpuid.

Cuoŋománu 16 beaivvi

Jienastangoarta doavdnjereiveolggoža hámis, ja materiála reivejienasteapmái, sáddejuvvo dáidda geat leat mielde jienastuslogus

Reivejienasteapmi álgá Ruoŧas ja olgoriikkas.

Miessemánu 18 beaivvi, válgabeaivi

Válgabeaivi lea goalmmát sotnabeaivi miessemánus, juohke njealját jagi. Jienasteaddjit sáhttet jienastit válgalanjain miehtá Sámi. Leat rahpasat diibmu 8-20.

Jienat mat leat váldon vuostá válgalanjain sáddejuvvojit Leanastivrii Norrbottena leanas.

Miessemánu 26 beaivvi

Áramusat vahku maŋŋil válgga jienaid lohkun álggahuvvo Leanastivrras Norrbottena leanas. Leanastivra Norrbottena leanas dárkkista ja lohko jienaid, juohká mandáhtaid ja nammada lahtuid ja sadjásaččaid. Boađus čilgehuvvo Válgaeiseválddi webbasajis nu jođánit go lea válmmas. Válga sáhttá váidaluvvot logi beaivvi siste dan rájis go válgaboađus lea almmuhuvvon.