Jiänastit byölladahkkije jah persuvnnije Sámiedïggáje

Gåvdnijeäh välljemesiäđđalh kandidáhtijgüjme feärtta byölladahkkaste mij åssálasstá välljemisne. Jiätján guh jiänastit byölladahkkije máhtáh ájáj persuvnnajiänastit kandidáhtije. Kruesseh kandidáhtan uvdaste.

Välljemesiäđđalh sisedneh byölladahkkanammh jah kandidáhtalïstuoh

Välljemisne Sámiedïggáje mähtth dåhkieh, byölladahkkh jah aktaláhkásadtje seäbrráje åssálasstiet. Dah guhttjuotüvvh dássnák byölladahkkine.

Gájkh byölladahkkh mah åssálessth välljemisne Sámiedïggáje tjuavvareäh uvddadiedietit jïjtuvse jah sïjjan kandidáhtijde. Miŋŋijmus beäjvvie diedietiemien uvdaste lij njukttjamánuon 10 b. 2024.

Välljemesiäđđalh byölladahkkanammijgüjme jah kandidáhtalïstuojgüjme prenddedüvvh jah biäjatüvvh välljemesijjijde. Gájkij byölladahkkij välljemesiäđđalh säddetüvvh nåvváj heäjbmije giäj leäh jiänastemeriäktah aktasne jiänastemekurtijne. Jüs duvsnie eäh leäh välljemesiäđđalh, guvlath Sámiediggien välljemeseäbrrieráđđáje vaj Välljemefåbmadahkkije.

Jiänastit byölladahkkije persuvnnajiänastkïnna

Sïjdh jiänastit barra aktan byölladahkkije váldáh välljemesiäđđaluv byölladahkkan nammijne, jah ih kruesseh kandidáhtan uvdaste.

Persuvnnajiänastit

Dådna máhtáh bájdniet kandidáhtan máhttielisvuoduv välljetuvvat persuvnnajiänastiemien båktta. Merkkije jühtte dådna kruessh kandidáhtan namman uvdaste välljemesiäđđalisne. Dådna máhtáh kruesset aktan kandidáhtije - jüs kruessh måddijde, die jiädna ryöknnatuvvá guh jiädna byölladahkkan uvdaste, jah ij akttak kandidáhta udtja duv persuvnnajiänuv.

Dådna ih máhtieh bájdniet mij kandidáhtijde juhkkh välljetüvvh jüs dådna såmies kandidáhtuv sïhkkuoh. Sïhkkuome ryöknnatuvvá nåv guh ij gåvnh. Ij leäh gïnna máhttielis lissiet villie kandidáhtijde välljemesiäđđalisse guh byölladahkka leä nammadamme jah prenddeme välljemesiäđđalijde.