Published: 20 February 2025

Huvudinnehåll start

Jienastit válljimin Sámediggáj

Válljimin Sámediggáj moarmesmáno 18.b.2025 dån máhtá jienastit guovteláhkáj. Dån máhtá jienastit válljimlanján válljimbiejve jali brevvajienastit Svierigin jali ålggorijkas.

Brevvajienstit Svierigin jali ålggorijkas

Válljimfábmudahka rádjá bájkoj mánov válljimbiejve åvddål ábnnasijt ja jienastimkårtåv gájkada gejn la jienastimriektá ja gávnnuji låhpalasj jienastimlågon.

Ábnas sisanet duv jienastimkårtåv, válljimsidilav, válljimkuverav, gurjjokuverav ja diededimev birra gåktu dån gárveda duv jienav.

Dån máhtá brevajienastit nåv ruvva gå dån la oadtjum ábnnasijt påvståjn. Dån hähttu påvsståj biedjat brevvajienav vaj la jåvsådam åvddål gå jienajt riekknigåhti moarmesmáno 26.b. Jus dån la ålggorijkan de dån dávk dárbahittja rádjat dav sierraláhkáj árrat.

Dån dagá návgå dån brevvajienasta

Brevvajienastittjat dån dárbaha:

duv jienastimkårtåv/ålgoldiskuverav
válljimsiedilav
kuverav
gurjjokuverav
guokta ulmutja gudi li ållim 18 jage gudi máhtti årrot vihtanin.

Dån dagá náv gå dån brevvajienasta

Vállji aktu valljimsiedilav juohkusij, belludahkaj jali sjimugis organisasjåvnnåj masi dån sidá jienastit.
Ruossi kandidáhttaj válljimsiedilin jus dån sidá sierra ulmurjij jienastit. Bieja válljimsiedilav válljimkuvera sisi. Ale doaje válljimkuverav. Dáhpa kuverav gå dav dábmmi aktij jali bieja sisi sjkihtjav.
De dal duv vihtana galggi oassálasstet. Bieja duv válljimkuverav jienastimkårtå/ålgoldiskuvera sisi ja dábbmi aktij dav. Tjále duv nammatjállagav jienastimkårttåj ja dibde goappásj vihtanijt tjállet sijá nammatjállagijt ja sijá adressajt.
Bieja aktijdábbmidum jienastimkårtåv/ålgoldiskuverav lahtte gurjjokuvera sisi. Gehtja ahte nummar jienastimlågon vuojnnu vinndegin. Dabmmi aktij gurjjokuverav.
Bieja brevvajienav påvsståj ájge bále vaj la jåvsådam åvddål gå jienajt riekknigåhti moarmesmáno 26.b. Brevvamärkka l mávsedum Svierigin. Ålggorijkas la brevvamärkka dárbulasj. Dån la dal jienastam!

Dárbaha gus akti ájn dahkat?

Ale ane jienastimkårtåv/ålgoldiskuverav jali gurjjokuverav mav la juo aktij dabbmin. Jiena ma li rabáduvvam dávk e dåhkkiduvátja gå riekkniduvvi. Dan sadjáj aktavuodav válde Sámedikkijn jali Válljimfábmudagájn rávvitjit ådå kuverajt.

Jus dån dárbaha viehkev gárvedittjat duv brevvajienav

Jus dujna l sáhtusvuohta jali sjimugis vijor mij dahka dån i iesj máhte gárvedit duv jienav de dån máhtá sihtat ietjá ulmutjav duv viehkedi.
.Jus la dárbulasj de sån oadtju buojkulvissan duv viehkedit mierkkit sierra ulmusjjienav ja biedjat válljimsiedilav válljimkuvera sisi.

Filmma brevvajienastitime birra válljimin Sámediggáj

Dån máhtá válljit dárogielak tekstimav gå filmma vuoseduvvá.

Brevvajienastit válljimin Sámediggáj

Brevvajienasta goappátjagá Svierigis ja ålggorijkas válljimin Sámediggáj.

Dárbaha guokta vihtana, ietjat jienastimkårtåv mij la aj ålgoldiskuverra, válljimsiedelav, válljimkuverav ja gurjjokuverav.

Vihtana máhtti válljidahtte årrot ja li ållim 18 jage. Gárvvi ietjat jienav aktu allasit.

Ruossi kandidáhttaj jus sidá sierra ulmutjij jienastit.

Bieja válljimsiedilav válljimkuveraj ja dahpa dav.

Bieja valljimkuverav ålgoldiskuverraj.

Dagá dav vihtanij åvdån.

Tjále vuolláj ietjat nammatjálajn.

Vihtana dievddi ietjasa diedojt ja tjálli vuolláj ietjasa nammatjállagij.

Dábbmi ålgoldiskuverav váttugit ja bieja dav gurjjokuverraj.

Gehtjada ahte ietjat nummar jienastimlågon vuojnnu vinndegin kuvera åvddåbielen.

Dahpa gurjjokuverav ja dábbmi dav aktij.

Lenastivra adrässa l åvddålprienntidum gurjjokuveran.

Dån ij dárbaha brevvamerkav jus dån bieja brevav påvsståj Svierigin.

Dárbulasj la val jus dån åro ålggorijkan.

Bieja kuverav brevvalådaj vaj jåvsåt maŋemusát váhkov válljimbiejve maŋŋela.

Jus dån la ålggorijkan de dávk dárbahittja árrat biedjat duv brev påvsståj.

Dån la dal jienastam!

Duv jiedna jåvsåt Norrbottena lenastivrraj gånnå gájkka jiena riekkniduvvi.

Jienastit válljimlanján válljimbiejve

Válljimin Sámediggáj dån máhtá jienstit akta makkir válljimlanján válljimbiejve moarmesmáno 18.b. 2025. Válljimlanjá li rahppot koahkka 8.00 ja 20.00 gaskan.

Gávnnat valljimlanjáv

Válljimlanjá gávnnuji tjuovvo bájkijn:

Bájkke	Ladnja
Gárásavvon	Eurosuando, Treriksvägen 1
Badje Sohpar	Övre Soppero skola, sporthallen
Giron	Sametingets kansli, Adolf Hedinsvägen 58
Jiellevárre	Folkets Hus, Hantverkaregatan 5–7
Jåhkåmåhkke	Ája konferens, Sparbankssalen, Lärargatan 4
Árjepluovve	Medborgarhuset, Strömvägen 23 A
Dearna	Folkets Hus, Bergastigen 7
Árviejsávrrie	Samegården, Lappstadsgatan 9
Julev	Kulturens Hus, Skeppsbrogatan 17
Suorssá	Folkets Hus, Stationsgatan 16
Bihtám	Kyrkcenter, Piteå församling, Nygatan 23
Maláge	Församlingshemmet, Kyrkogatan 3
Syöldahte	Stadshuset Brinken, Trädgårdsgatan 6
Vualtjere	Folkets Hus, Tingsgatan 8
Likssjuo	Gammplatsen, Entrehuset
Hotagen/Rötviken	Rötviken Bygdegård
Ubbmem	Tráhppie, Gammlia, Helena Elisabeths väg 4
Staare	Gaaltije, sydsamiskt kulturcentrum Köpmangatan 58
Bienjedaelie	Funäsdalens centralskola, Skolbacken 1
Sjädtavallie	Finska föreningen, Kyrkbergsvägen 38
Stockhoalmma	Solidaritetshuset, bv – ingång från gaveln, Tegelviksgatan 40

Maŋŋáj válldet duodastuskårtåv ja

Dån dárbaha válldet maŋenit id-kårtåv/ássjetjállagav ja jienastimkårtåv jus dån galga jienastit duv válljimlanján válljimbiejven.

Jus dujna illa id-kårttå/ássjetjála de ietjá ulmusj máhttá duodastit duv identitehtav, valla dalloj hähttu dat ulmusj vuosedit id-kårtåv/ássjetjállagav.

Jus dån la vájálduhttám jali láhppám duv jienastimkårtåv de dån máhtá oadtjot ådåsav jiednaduostudiddjes. Gávnnuji aj válljimkuvera ja válljimsiedila válljimlanján.

Jiednaduostudiddje adni duv jienastimkårtåv rájatjit duv jienav dan maŋŋela Norrbottena lenastivrraj gånnå mierkkiduvvá jienastimlågon ja riekkniduvvá.

Dån jienasta návti válljimlanján

Vállji aktu válljimsiedilav juohkusij, belludahkaj jali sjimugis organisasjåvnnåj masi dån ienemusát sidá jienistit.
Maná aktu válljimsjerma duohkáj.
Ruossi kandidáhttaj válljimsiedilin jus dån sida sierra ulmutjij jienastit. Bieja válljimsiedilav válljimkuvera sisi. Ale doaje válljimsiedilav. Dahpa kuverav gå dabmmi dav aktij jali bieja sisi sjkihjav.
Maná jiednaduostudiddjáj duv válljimkuverajn, duv iID-kårtåjn/ássjetjállagijn ja duv jienastimkårtåjn/ålgoldiskuverajn. Jus dujna illa ID-kårttå/ássjetjála de dån máhtá sihtat ietjá ulmutjav gut la ållim 18.jage duodastit duv identitehtav. Dalloj dat ulmusj hähttu vuosedit suv ID-kårtåv/ássjetjállagav.
Jiednaduostudiddje gähttji jiedna l gárveduvvam riektaláhkáj ja tjállá dån la jienastam. Jiedna biejaduvvá tjoahkkimlådaj. De la dån jienastam!

Jus dån dárbaha viehkev gárvedit duv jienav válljimlanján

Jus dujna l sáhtusvuohta jali sjimugis vijor mij dáhká dån i iesj máhte gárvedit duv jienav de dån máhtá sihtat soabmásav duv viehkedit válljimsjerma duogen.

Jus la dárbulasj de dat ulmusj oadtju buojkulvissan duv viehkedit mierkkit sierraulmusjjienav ja biedjat válljimsiedilav válljimkuvera sisi.

Dån iesj mierreda gut galgga duv viehkedit valla dån máhtá aj gåhttjot jiednaduostudiddjes soabmasav duv viehkedit. Jiednaduostudiddjen la sjávovälggogisvuohta ja e oattjo aktasik giehttot masi dån la jienastam.

Filmma jienastit válljimbiejven Sámediggáj

Dån máhtá válljit sámegielak tekstimav gå filmma vuoseduvvá

Jienastit válljimlanján válljimin Sámediggáj

Válljimbiejve jienasta válljimin Sámediggáj válljimlanján akta gånnå Svierigin.

Válde mŋŋáj ietjat jienastimkårtåv mij la aj ålgoldiskuvera ja duodastuskårtåv válljimladnjaj.

Válde valjjimkuverav ja vállji válljimsiedilav.

Maná aktu sajij válljimsjerma duohkáj.