Jienastit partijaj vaj almatjij välljimin Sámediggáj

Gävdnuji välljimsedila kandidáhtajgum fiert partijast mij lä välljimin. Ietján gu partijaj jienastit máhtá áj kandidáhttaj jienastit krussima tjara kandidáhta nala.

Välljimsedilijn lä partijanama ja kandidáhttalista

Dåhke, partija ja sjimuk akktavuoda mähtti maŋen årrot välljimin Sámediggáj. Dánne gåhtjoduvvuji partijan.

Gájk partija ma lä maŋen välljimin Sámediggáj verrtiji åvvdål diededit ietjavse ja ietjase kandidáhtajt. Maŋemus bäjjve diededit lij njukktjamáno 10 biejven 2024.

Välljimsedila partijanamajgum ja kandidáhttalistajgum prenntiduvvuji ja biejaduvvuji välljimrummajda. Gájk partijaj välljimsedila rájaduvvuji áj häjbmaj dajda ma idni riektav jienastit akktan jienastimkurtajgum. Jus i ane välljimsedilijt, válde akktavuodav Sámedigge välljimsäbbrerärijn jala Välljimåjválatjajn.

Partijaj jienastit ja ij almatjij jienastit

Sida bär jienastit partijaj dä váldá välljimsedilav partija namajn, ja iele kruossav bieja kandidáhttaj.

Almatjij jienastit

Dån máhtá bájdnet kandidáhta máhttelisvuodav välljiduvvut almatjjienastime tjara. Dat merrkija dån bieja kruossav kandidáhta nama nala välljimsedilin. Dån máhtá bär kruossav biejjat akta kandidáhta nala – jus krussi ienabuv dä jiedna rekknuduvvuja akktan jiednan partijaj ja ij akktak kandidáhtta ådtjo duv almatjjienav.

Dån i máhte bájdnet maggár kandidáhta ma välljiduvvuji gádodime tjara nágan kandidáhtav. Gádodibme ij duhkkiduvvu. Ij máhte lasedit ienap kandidáhtajt välljimsedilin än gu partija lä diededam ja prenntim välljimsedilin.