Published: 24 February 2025
Jienastit välljimin Sámediggáj
Välljimin Sámediggáj mårbmesmáno 18 biejven 2025 máhtá jienastit guäkkteláhkáj. Dån máhtá jienastit välljimrumman välljimbiejven jala brievvajienastit Sverjin vaj ullgorijkast.
Brievvajienastit Sverjin jalá ullgorijkast
Máno bájken välljimbiejve åvvdål Välljimåjválatj rájjá materiálav ja jienastimkurtajt gájk dajda ma idni riektav jienastit ja gävdnuji maŋemus jienastimlågon.
Máterialan gävdnuji duv jienastimkurrta, välljimsedila, välljimkuviera, bajeldiskuviera ja diehto dan birra guktte gárveda ietjat jienav.
Dån máhtá brievvajienastit nåvt spájjta gu lä udtjum materiálav påståjn. Dån verrti påsståj biejjat brievvajienav vaj jåkksá åvvdål gu ällgi jienajt rekknut mårbmesmáno 26 biejven. Jus lä ullgorijkan dä kannu verrtij rájjat dav ruvabut.
Návte daga gu brievvajienasta
Jus galga brievvajienastit dä dárbaha:
- ietjat jienastimkurtav/bajeldiskuvierav
- välljimsedilav
- välljimkuvierav
- gåptjåskuvierav
- guäkkte almatja bajjel 18 jábe ma mähtti vihtanin årrot.
Návte daga gu brievvajienasta
- Válde ikktuk välljimsedilav dan dåhkkáj, partijaj jala sjimuk akktavuohtaj masa sida jienastit.
- Krussi aktav kandidáhtav välljimsedilin jus sida almatjij jienastit. Bieja välljimsedilav välljimkuviera sisa. Iele välljimkuvierav máhtsaste. Njimmgi kuvierav jala máhtsaste gájráv.
- Dál duv vihtana gallgaba maŋen årrot. Bieja välljimkuvierav jienastimkurta/bajeldiskuviera sisa ja njimmgi dav. Tjále ietjat namav jienastimkurta nala ja bája gåbbátjak vihtana ietjaska namajt ja adriessajt áj tjállet.
- Bieja njimmgidum jienastimkurtav/bajeldiskuvierav blävvis gåptjåskuviera sisa. Nummer jienastimlågost gallgá vujdnut finnsturin. Njimmgi gåptjåskuvierav.
- Bieja brievvajienav påsståj vaj jåkksá åvvdål gu jiena ällgi rekknuduvvut mårbmesmáno 26 biejven. Brievva lä mákseduvvum Sverjin. Ullgorijkast dárbaha brievvamierkav. Dál lä dån jienastam!
Dárbaha årråsit dahkat?
Iele jienastimkurtav/bajeldiskuvierav vaj gåptjåskuvierav vistik ane mav lä juo njimmgim tjåhkkáj. Jiena ma lä rabaduvvum ie duhkkiduvvu rekknumin. Válde akktavuodav Sámediggijn jala Välljimåjválatjajn jus sida årrå kuvierajt diŋŋgot.
Jus dárbaha viehkev gárvedit ietjat brievvajienav
Jus lä fábmális jala dan sjimuk ja i máhte ietj ietjat jienav gárvedit dä máhtá ánodit vihtanav jala ietjá almatjav duv viehkedit.
Jus lä dárrbo dä udtju åvvdåmärrkan duv viehkedit almatjav krussit ja välljimsedilav välljimkuviera sisa tsåggåt.
Filbma brievvajienastime birra välljimin Sámediggáj
Dån máhtá dáro tiekstav välljit gu vuojná filmav.
För att kunna se filmen på Val.se, måste du acceptera kakor för statistik.
Brievvajienastit välljimin Sámediggáj
Hantera kakor
Brievvajienastit välljimin Sámediggáj
Dån máhtá brievvajienastit gåbbátjak Sverjist ja ullgorijkast välljimin Sámediggáj.
Dån dárbaha guäkkte vihtana, ietjat jienastimkurtav mij lä aj bajeldiskuviera, välljimsedilav, välljimkuvierav ja gåptjåskuvierav.
Vihtana máhtteba årrot gie bär såjjtá ma läba ullim 18 jábe.
Urdni ietjat jienav iktuk.
Bieja kruossav kandidáhttaj jus sida almatjjienastit.
Bieja välljimsedilav välljimkuvieraj ja gåptjå dav.
Bieja välljimkuvierav bajeldiskuviera.
Dav verrti dahkat vihtanij åvdån.
Tjále vuolláj ietjat namajn.
Vihtana dävvdeba ietjaska diedojt ja tjálleba vuolláj ietjaska namaj.
Njimmgi bajeldiskuvierav ja bieja dav gåptjåskuvieraj.
Giehtjat duv nummer jienastimlågon vujdnu finnsturin kuviera åvvdåbielen.
Gåptjå gåptjåskuvierav ja njimmgi dav.
Lienastivra adrässa lä juo tjáleduvvum gåptjåskuvieran.
Dån i dárbahe brievvamierkav jus dån bieja jienav påsståj Sverjin.
Dav dárbaha bär jus lä ullgorijkan.
Bieja kuvierav brievvalårråj vaj båhtá maŋemusat vahkon välljimbiejve maŋŋelin.
Jus lä ullgorijkan kannu verrti jienav påsståj biejjat åvvdål. Dál dån lä jienastam!
Duv jiedna båhtá Norrbottena liena lienastivvraj gunne gájk jiena rekknuduvvuji.
Välljimrumman jienastit välljimbiejven
Välljimin Sámediggáj máhtá jienastit maggár välljimrumman mav sida välljimbiejven mårbmesmáno 18 biejven 2025. Välljimrumma lä rahpasa klåhkkå 8.00 ja 20.00 gaskan.
Välljimrummav gávdnat
Välljimrumma gävdnuji dájn sijijn:
Bájjke | Sajje |
|---|---|
Gárasavvon | Församlingsgården, Laestadiusvägen 81 |
Badje Sohppar | Övre Soppero skola – sporthallen |
Giron | Sametingets kansli, Adolf Hedinsvägen 58 |
Jiellevárri/Váhčir | Ávki, Malmbergsvägen 4 |
Jåhkåmåhkke | Sparbankssalen, n, Ája-huset, Lärargatan 2–4 |
Árjepluovve | Medborgarhuset, Strömvägen 23 A |
Dearna | Tärna samservice, V:a strandvägen 11 |
Árviesjávrrie | Arvasgården, Lappstadsgatan 7 |
Julevu | Kulturens hus, Skeppsbrogatan 17 |
Suorssá | Folkets hus, Stationsgatan 16 |
Bihtám | Kyrkcenter, Piteå församling Nygatan 23 |
Máláge | Församlingshemmet, Kyrkogatan 3 |
Syöldate | Stadshuset Brinken, Trädgårdsgatan 6 |
Vualtjere | Tingshuset/turistbyrån, Tingsgatan 1 |
Liksjoe | Entrehuset, Gammplatsen |
Hotagen/Rötviken | Rötviken Bygdegård |
Ubmeje | Tráhppie, Gammlia, Helena Elisabeths väg 4 |
Staare | Gaaltije – sydsamiskt kulturcentrum, Köpmangatan 58 |
Bïenjedaelie | Funäsdalens skola, Skolbacken |
Sjädtavaellie | Kulturmagasinet, Packhusgatan 4 |
Stockhoalbma | Hyresgästlokalen, Åsögatan 79, bv |
Válde maŋen id-kurtav ja jienastimkurtav
Dån verrti maŋen adnet id-kurtav ja jienastimkurtav jus galga välljimrumman jienastit välljimbiejven.
- Jus i ane id-kurtav dä ietjá almatj máhttá duv identitiehtav tjårgådit, män dä verrtija dat almatj id-kurtav vuosedit.
- Jus lä åjáldahttám vaj gahtjadam ietjat jienastimkurtav dä máhtá årråsav ådtjot jiednaduasstojijst. Gävdnuji áj välljimkuviera ja välljimsedila välljimrumman.
Jiednaduasstoja idni duv jienastimkurtav rájjat duv jienav Norrbottena liena lienastivvraj gunne merrkiduvvuja jienastimlågon ja rekknuduvvuja.
Návte jienasta välljimrumman
- Vällji ikktuk välljimsedilav dan dåhkkáj, partijaj jala sjimuk akktavuohtaj masa sida åvdemusat jienastit. Dån ådtjo välljimkuvierav jiednaduasstojijst jus i ane maŋen.
- Mana ikktuk välljimsjierma duohkáj.
- Krussi kandidáhtav välljimsedilin jus sida almatjij jienastit. Bieja välljimsedilav välljimkuvieraj. Iele välljimkuvierav máhtsaste. Njimmgi kuvierav jala máhtsaste gájráv.
- Mana jiednaduasstojijda ietjat välljimkuvierajn, ID-kurtajn ja jienastimkurtajn/bajeldiskuvierajn. Jus i ane ID-kurtav dä máhtá iehtjágav ánodit mij lä 18 jábe vuorrasup tjårgådit duv identitiehtav. Dat almatj verrtija vuosedit ietjas ID-kurtav.
- Jiednaduasstoja giehtjadi jiedna lä riektesláhkáj gárveduvvum ja tjälli dån lä jienastam. Dan maŋŋel bejji välljimkuvierav jienastimkurta/bajeldiskuviera sisa ja njimmgiji dav. Jiedna biejaduvvuja tjuhkkimlårråj. Dál lä dån jienastam!
Jus dån dárbaha viehkev ietjat jienav gárvedit välljimrumman
Jus lä fábmális jala dan sjimuk ja i máhte ietj ietjat jienav gárvedit dä máhtá ánodit náganav duv tjuovvot viehkedit sjierma duogen.
Jus lä dárrbo dä dat almatj udtju åvvdåmärrkan duv viehkedit merrkit almatjjienav ja tsåggåt välljimsedilav välljimkuvieraj.
Dån ietj mierreda gie gallgá duv viehkedit män dån máhtá áj ánodit viehkev jiednaduasstojijst. Jiednaduasstoja idni sjávodisvuodav ja ie ådtjo gähttot náganij mav dån lä jienastam.
För att kunna se filmen på Val.se, måste du acceptera kakor för statistik.
Jienastit välljimrumman välljimin Sámediggáj
Hantera kakor
Jienastit välljimrumman välljimin Sámediggáj
Välljimbiejven máhtá jienastit välljimin Sámediggáj välljimrumman gunne bär såjjtá Sverjin.
Mij lä aj bajeldiskuviera ja id-kurtav välljimrummaj.
Válde välljimkuvierav ja vällji välljimsedilav.
Mana ikktuk guoros välljimsjierma duohkáj.
Bieja kruossav kandidáhttaj jus sida almatjjienastit.
Bieja välljimsedilav välljimkuvieraj ja gåptjå dav.
Mana jiednaduasstojij ja vadde sunji ietjat id-kurtav, välljimkuvierav ja jienastimkurtav.
Jiednaduasstoj giehtjada duv identitiehtav ja tjállá dån lä jienastam.
Jiednaduasstoj biejjá duv välljimkuvierav bajeldiskuvieraj ja njimmgi dav.
Jiednaduasstoj biejjá maŋemusat bajeldiskuvierav tjuhkkimlårråj.
Dál lä dån jienastam ja duv jiedna rájaduvvu Norrbottena liena lienastivvraj gunne jiena rekknuduvvuji.