Rijbmo välljimij Sámediggáj

Gålgådismáno 20 biejven

Maŋemus bäjjve gu diededibme gallgá Sámediggáj båhtám. Diehto gävdnuja Sámedigge webbabielen.

Bassemáno 15 biejven

Sámedigge välljimsäbbrerárre gallgá maŋemusat dán biejven mierredam båddåsatj jienastimlågov. Dat gallgá dan maŋŋel vujdnusin årrot mådde sijijn rijkan jus nágan sihtá dav gähttjat. Välljimåjválatj gehttu sijijt.

Jåvvlåmáno 15 biejven

Luojjom välljimsäbbreráre mierrádusav gie gillgi maŋen årrot jienastimlågon gallgá Norrbottena liena lienastivvraj båhtám.

Gåvvåmáno 17 biejven*

Norrbottena liena lienastivvra mierreda luojjomij birra ma duhtti båddåsatj jienastimlågov.

Njukktjamáno 1 biejven

Sámedigge välljimsäbbrerárre mierreda maŋemusat dán biejven maŋemus jienastimlågov.

Njukktjamáno 10 biejven*

Dåhke, partija ja sjimuk akktavuoda ma sihti maŋen årrot välljimin gillgi maŋemusat dán biejven diededit ietjas namav ja ietjas kandidáhtajt ja áj diŋŋgot välljimsedilijt.

Vuoratjismáno 16 biejven

Jienastimkurrta bajeldiskuviera hámen, ja áj materiála brievvajienastibmáj, rájaduvvuji dajda ma lä jienastimlågon.

Brievvajienastibme állgá Sverjin ja ullgorijkan.

Mårbmesmáno 18 biejven, välljimbäjjve

Välljimbäjjve lä gålmát ájjlegin mårbmesmánon, fiert nielját jáben. Jienastiejje mähtti jienastit välljimrummajn birra Sverjin. Da lä rahpasa kl. 8–20.

Jiena ma lä duostoduvvum välljimrummajn rájaduvvuji Norrbottena liena lienastivvraj.

Mårbmesmáno 26 biejven

Árajmusat vahkon välljima maŋŋel ällgi jienajt rekknut Norrbottena liena lienastivran. Norrbottena liena lienastivvra giehtjada ja rekknuja jienajt, juogada mandáhtajt ja mierreda láhtasijt ja sajjásatjajt. Tjuovos vuoseduvvuja Välljimåjválatja webbabielen nåvt spájjta gu lä fierok. Välljim máhttá luojoduvvut låge biejve sinne dasste gu välljimtjuovos lä giehtoduvvum.