Jienas bellodaga ja persovnna válggas Sámediggái

Gávdnojit válgalihput evttohasaiguin juohke bellodahkii mii searvá válggas. Earret go jienastit ovtta bellodaga de sáhtát maid persovdnajienastit ovtta evttohasa, de russet evttohasa nama.

Válgalihput sisdollet bellodatnama ja evttohaslisttuid

Válggas Sámediggái joavkkut, bellodagat ja sullasaš lihtut sáhttet searvat. Dás namuhuvvojit bellodagain.

Visot geat servet válggas Sámediggái fertejit dieđihit iežaset ja evttohasaid ovdagihtii. Maŋemus beaivi dieđiheapmái leai njukčamánu 10 beaivvi 2024.

Geahča makkár bellodagaide ja evttohasaide don sáhtát jienastit.

Válgalihput bellodatnamain ja evttohaslisttuiguin prentejuvvojit ja bidjot válgalanjaide. Visot bellodagaid válgalihput sáddejuvvojit maid ruovttuide daid jienastanvuoigatvuođalaččaide ovttas jienastangoarttain. Jus váillahat válgalihpuid de váldde oktavuođa Sámedikki válgalávdegottiin dahje Válgaeiseválddiin.

Jienas bellodaga muhto ii persovdnajienastit

Jus don dušše háliidat jienastit ovtta bellodaga de válddát válgalihpu bellodaga namain, ja it russe evttohasa.

Persovdnajienas

Don sáhtát váikkuhit evttohasa vejolašvuođa válljejuvvot persovdnajienasteami bokte. Dat mearkkaša ahte don russet evttohasa nama válgalihpus. Don sáhtát dušše russet ovtta evttohasa - jus russet máŋga de jietna lohkkojuvvo dego okta jietna bellodahkii ja ii oktage evttohas oačču du persovdnajiena.

Don it sáhte váikkuhit makkár evttohasat válljejuvvojit sihkkumis soames evttohasa. Sihkkun rehkenasto dego ii gávdno. Dat ii ge leat vejolaš čállit lasit evttohasaid válgalihppui go daid maid bellodat lea evttohan ja prenten válgalihpuide.