Jienastimriekta ja jienastimlåhko
Gájka gudi sihti jienastit válljimin Sámediggáj hähttuji jienastimlågon tjáledum årrot. Dánna ienep diedojt oattjo mij la fámon.
Gänna l máhttelisvuohta jienastit válljimin Samediggáj?
Moarmesmáno 18.b. 2025 la válljim Sámediggáj. Jienastittjat válljimin hähttu jienastimlågon tjáledum årrot. Jienastimlåhko l lissta gájkajda gejn la jienastimriektá ja oadtju jienastit.
Gåktu tjáleduváv jienastimlågon?
Tjáleduvátjit jienastimlågon hähttu moadda rávkalvisá dievddet.
JJus rávkalvisájt dävdá de galga rádjat diedádusáv jus sidá jienastimlågon tjáleduvvat.
Diededibme hähttu Sámediggáj jåvsådam maŋemusát gålgådismáno 20.b. 2024.
Jus la årrum tjáledum jienastimlågån åvdebut de i dárbaha diededit ådåsis.
Rávkalvisá tjáleduvátjit jienastimlågon
- Dån la svieriga jali ålggorijkak viesajdiddje. Dån la sábme, vissa rávkalvisájs, ja
- ållim la 18 jage maŋemusát válljimbiejve.
- Jus dån la ålggorijkak viesajdiddje de hähtu álmmuktjáledum årrum Svirigin binnemusát gålmmå jage maŋŋalakkoj válljimbiejve.
Rávkalvisá riekkniduvátjit sábmen válljimin
- Dån galga ietjat sábmen adnet, ja vil dájs juojddá:
- Dujna l jali l årrum sámegiella häjmmagiellan, jali
- duv äjgádijs juobbá, áhtje- jali iedneäjgádijn la jali l årrum sámegiella häjmmagiellan, jali
- dujna l äjgát gut la jali l årrum tjáledum jienastimlågon Sámediggáj
Gasskabåddåsasj ja maŋemus jienastimlåhko
Rávkalvisá riekkniduvátjit sábmen válljiminJienastimlåhko mierreduvvá guovten mieren. Gasskabåddåsasj ja maŋemus jienastimlåhko.
Sámedikke valljimsiebrreráde mierret gasskabåddåsasj jienastimlågov maŋemusát basádismáno 15.b. 2024.
Gujddit gasskabåddåsasj jienastimlågov
Gasskabåddåsasj jienastimlåhko máhttá gujddiduvvat:
- gässta l diededam ietjas jienastimlåhkuj valla ij la tjáleduvvam,
- gässta l tjáleduvvam gasskabåddåsasj jienastimlågon ja sihtá gujddit ietjá ulmusj la tjáleduvvam jienastimlågon.
Gujddim galggá Norrbottena lenastivrraj jåvsådam maŋemusát javllamáno 15.b. 2024.
Gujddim gähttjaluvvá almulasj tjåhkanimen Norrbottena lenastivran guovvamáno17.b. 2025.
Märrádusáv majt Lenastivrra l mierredam gujddima hárráj ij la máhttelis gujddit.
Maŋemus jienastimlåhko
Statistijkka gasskabåddåsasj dåhkkidum jienastiddjij hárráj almoduvvá gå gasskabåddåsasj jienastimlåhko l mierredum.
Statistijkka jienastimdåhkkidum ulmutjijda